Mlađi razredi matične škole nastavljaju sa svojim projektom „Domoća beseda“. U srijedu, 15.04. u školskoj su knjižnici ugostili članove RKUD "Rudar" Raša: gosp.Bruna Knapića koji ih uči plesati balun te gosp. Đurđu Trudnikov i gosp. Pina Mohorovića koji su ih upoznali s narodnim nošnjama.

Kako im je bilo pročitajte dalje u tekstu, a fotografije pogledajte u galeriji fotografija pod nazivom "Domoća beseda":

Siguro već cekate ca ćemo van novega pravit. Eko, nove štoriji iz naše školi. Ve sredu, 15.avrila dvo miljara i petnajste so nan bili gosti naš barba Bruno Knapić,šinjora Đurđa Trudnikov i šinjor Pino Mohorović. Barba bruno nas vadi toncat balun. S pocetka smo mislili da to nećemo  moć tako vreda navadit,ali on nan je dobar maještar i još bolji balerin. Navadi nas je da balun ima cetiri figure (prebirat,valcat, šetat i vrtet ).  E, to je bilo lahko za zapoštat.  Ma, trebalo je to i navadit toncat. Z lahkega smo prebirali,valcali i šetali, ali vrtet? Barba Bruno i šinjora Đurđa prišli so va školu va labinske narodne nošnje , a šinjor Pino nan je pravi kako se saki kus te nošnji zove i kakov so nakit nekada  imeli. Lepo je se to znat , a još lepše kad to vidiš i neki ti se lepo špjego.